Noventiq Georgia გახლავთ საერთაშორისო კომპანია CR2-ის ექსკლუზიური პარტნიორი საქართველოს ტერიტორიაზე. იგი დაეხმარა ქვეყნის ერთერთ უმსხვილეს ბანკს CR2 BankWorld პლატფორმაზე დაფუძნებული დისტანციური მომსახურების სისტემის დანერგვაში. შედეგად Credo Bank-მა მიიღო საქართველოს ბაზარზე ექსკლუზიური პროდუქტების შემოტანის, მიზნობრივ აუდიტორიასთან ურთიერთქმედების ახალი ფორმატების დანერგვის, კორპორატიული და საცალო მომხმარებლების პორტფოლიოს გაფართოვების შესაძლებლობები. ინტერნეტ ბანკინგის შექმნა მნიშვნელოვანი ნაბიჯი იყო ბიზნესის ციფრული ტრანსფორმაციისკენ, რამაც გაზარდა როგორც საკრედიტო ორგანიზაციის, ასევე მთლიანად საქართველოს ფინანსური სისტემის კონკურენტუნარიანობის უპირატესობები.
Credo Bank არის საქართველოს ფინანსური ბაზრის ერთერთი უმსხვილესი მოთამაშე. ბანკი შეიქმნა 2017 წელს მიკროსაფინანსო კომპანიის რეორგანიზაციის შედეგად. Credo Bank-ს აქვს 69 ოფისი ქვეყნის 11 რეგიონში. დღესდღეობით ბანკი უზრუნველყოფს ფინანსური მომსახურების ფართო სპექტრით ფიზიკურ პირებს, მიკრო ბიზნესს და SMB სეგმენტს და აქტიურად იყენებს ინდივიდუალურ მიდგომას თითოეულ მომხმარებელთან ურთიერთობაში.
ციფრულ ეპოქაში ბიზნესის წარმატებული მართვა დიდწილად დამოკიდებულია ინფორმაციის გადაცემის სიჩქარეზე, მომხმარებლებთან ურთიერთქმედების ახალი ფორმატების დანერგვაზე, კომპანიის შესაძლებლობებზე სწრაფად გამოიტანოს ბაზარზე ექსკლუზიური ციფრული პროდუქტები და მომსახურეობა. ამის საფუძველზე Credo Bank-ის მენეჯმენტი იღებს გადაწყვეტილებას დისტანციური საბანკო მომსახურების სისტემის შექმნის და გამოშვების შესახებ.
საქართველოს კანონმდებლობის მოთხოვნების სრული დაცვით, Credo Bank-მა გამოაცხადა ღია ტენდერი ინტერნეტ ბანკინგისთვის პლატფორმის შერჩევის თაობაზე. დაძაბულ კონკურენტულ ბრძოლაში ტენდერის გამარჯვებულად გამოცხადდა Noventiq Georgia, რომელმაც Credo Bank-ს საერთაშორისო კომპანია CR2-ს მიერ შემუშავებული პლატფორმა BankWorld შესთავაზა.
პროექტის რეალიზაციის ფარგლებში Noventiq Georgia-ს ექსპერტებმა არა მხოლოდ შესთავაზეს დამკვეთს ტექნიკური გადაწყვეტილება, რომლის საშუალებითაც შესაძლებელია მომხმარებლის ყველა საჭიროების დაკმაყოფილება, არამედ დაამყარეს ეფექტური კომუნიკაცია CR2-ს და Credo Bank-ს შორის. ვენდორის ინჟინრებმა Noventiq Georgia-ს მხარდაჭერით დანერგეს Credo Bank-ში დისტანციური საბანკო მომსახურების ოპერატიული და ხარისხიანი სისტემა. 2019 წლის სექტემბერში, ყველა საჭირო ტესტირების დასრულების შემდეგ, ინტერნეტ ბანკინგი ამოქმედდა კომერციულ ექსპლუატაციაში.
„ჩვენ ვეხმარებით ჩვენ მომხმარებლებს ბიზნესის ციფრულ ტრანსფორმაციაში, ხოლო დისტანციური მომსახურების სისტემის დანერგვა Credo Bank-ში - ჩვენი მომხმარებლის მიერ ციფრული ტრანსფორმაციისაკენ წინ გადადგმული მნიშვნელოვანი ნაბიჯია. ინტერნეტ ბანკინგის შესაქმნელად Noventiq Georgia-მ Credo Bank-ს შესთავაზა კომპანია CR2-ს მიერ დანერგილი BankWorld პლატფორმა. ჩვენ ვთანამშრომლობთ ვენდორ CR2-სთან არა მხოლოდ საქართველოში, არამედ აქტიურად ხელს ვუწყობთ ბრენდის წარდგენას ბელორუსიაში, უკრაინაში, სომხეთში. CR2 ტექნოლოგიების გამოყენება გვეხმარება ჩვენი მომხმარებლების ყველაზე რთული ამოცანების გადაჭრაში. Credo Bank-ში დანერგილი ინტერნეტ ბანკინგი ხელმისაწვდომია ქართულ ენაზე. ჩვენ დარწმუნებულნი ვართ, რომ ამ ფინანსური ორგანიზაციის მომხმარებლები დააფასებენ პლატფორმის ინტუიტიურად გასაგებ ინტერფეისს და შესაძლებლობების ფართო სპექტრს“ – Noventiq Georgia-ს დირექტორის, რევაზ ურუშაძეს კომენტარი პროექტის შესახებ.
„ბიზნეს პროცესების ახალ რელსებზე გადაყვანა ყოველთვის დაკავშირებულია გარკვეულ რისკთან. პროდუქტის და დეველოპერის გარდა, კრიტიკულად აუცილებელია საიმედო პარტნიორის ყოლა, რომელიც ჩვენს შემთხვევაში გახლდათ კომპანია Noventiq Georgia. პროექტში, ეს არის დამატებითი რესურსი, რომელიც გეხმარებათ სწორი გადაწყვეტილების შერჩევაში, სტრატეგიის შედგენაში და ადმინისტრაციულ საკითხებში დახმარებაში. Noventiq Georgia-ს აქტიური მხარდაჭერით, ჩვენ შევძელით შესანიშნავი პლატფორმის შექმნა საბანკო ინოვაციური პროდუქტების განვითარებისათვის, რაც არის კონკურენტულ გარემოში კომპანიის სამომავლო ზრდის გარანტია ” - განაცხადა სანდრო ქუმსიაშვილმა, CIO, Credo Bank.