Dynamics 365 გაყიდვების გუნდებს გთავაზობთ მონაცემთა ანალიტიკის და მართვის ფართო შესაძლებლობებს. მის დღევანდელ ღრუბლოვან ვერსიას აქვს ბევრად მეტი შესაძლებლობა, ვიდრე ლოკალურ ვერსიას. დამატებითი ონლაინ ვერსიების არსებობა ხელს უწყობს ღრუბლოვანი დანერგვის შემთხვევების პოპულარიზაციას.

Microsoft Dynamics 365 არის ბიზნესის ავტომატიზაციის ინოვაციური პლატფორმა, რომელიც აერთიანებს CRM და ERP გაფართოვებულ ფუნქციებს. Dynamics 365 არის ინტელექტუალური ბიზნეს აპლიკაცია, რომელიც მოიცავს მომხმარებელთა ურთიერთქმედების სრულ ციკლს და ორგანიზაციის რესურსების დაგეგმვის პროცესს.

არსებობს გადაწყვეტილების დანერგვის ორი სცენარი - ლოკალური და ღრუბლოვანი დანერგვა. ამ სტატიაში განვიხილავთ Microsoft Azure-ის ღრუბელში განთავსებული ვერსიის უპირატესობებზე.

Azure-ს Dynamics 365 გთავაზობთ ღრუბლოვანი ტექნოლოგიების აღიარებულ უპირატესობებს. უპირველეს ყოვლისა, ამ გადაწყვეტილების მომხმარებლები ამცირებენ  ლოკალური ინფრასტრუქტურის დანერგვის აუცილებლობის, აღჭურვილობის შეძენის, მისი შენარჩუნების ხარჯებს და უზრუნველყოფენ მდგრადობას. ამ ყველაფერს ავტომატურად უზრუნველყოფს Subscription სისტემა.

ღრუბლოვანი სერვისები ასევე ზოგავენ თქვენ დროს. ღრუბლოვანი სერვისების გამოწერას ესაჭიროება მხოლოდ 20-30 წუთი.  ინსტალაცია ადგილზე ხორციელდება 1 კვირიდან 3 თვემდე, თუ აუცილებელია უსაფრთხოების დამატებითი ზომების მიღება.

ღრუბლოვანი ვერსია Dynamics ადვილად ინტეგრირდება Microsoft-ის პროდუქტებთან. თუ მომხმარებელს გამოწერილი აქვს Share Point, Exchange, Office ან Teams, პლატფორმა წარსდგება ერთიანი ინტერფეისით, ხოლო ყველა შესაბამისი პროგრამული უზრუნველყოფა თავმოყრილია ერთ გადაწყვეტილებაში.

Azure Cloud უზრუნველყოფს Microsoft-ის პარტნიორების მიერ შემუშავებული Dynamics-თვის დამატებების მარტივ ინსტალაციას. შემუშავებული კომპონენტები ჩნდება აპლიკაციის მაღაზიაში და მომხმარებელს მარტივად შეუძლია ნებისმიერი მათგანის ინსტალაცია.

მოდულები ხელმისაწვდომია მხოლოდ ღრუბლიდან

Cloud დანერგვის მნიშვნელოვანი უპირატესობა არის მოდულების ფუნქციონალობა, რომელიც ლოკალურად არ არის ხელმისაწვდომი. Microsoft იყენებს Azure Cloud-ის შეუზღუდავ რესურსებს მათი მუშაობის უზრუნველსაყოფად, ამიტომ მათი ადგილობრივ სერვერებზე მიგრაცია საჭიროებს დიდ ფულად და ტექნიკურ რესურსებს.

ეს დამატებითი ღრუბლოვანი სერვისები აგვარებენ უამრავ პრობლემას, როგორც კომპანიის ხელმძღვანელებისათვის, ასევე თანამშრომლებისათვის. ასეთი სერვისების მაგალითი შეიძლება იყოს Dynamics-ის პროექტების და რესურსების მართვის მოდული Project Service Automation და Voice of the Customer and Forms. არსებობს სხვა ღრუბლოვანი მოდულები, რომლებიც ხელს უწყობენ გუნდის ეფექტურ ურთიერთქმედებას.

Insights modules

ყველაზე მნიშვნელოვანი დამატებები, რომლებიც უზრუნველყოფენ Azure-ს Dynamics-ს კონკურენტულ უპირატესობას, არის Sales Insights, Customer Service Insights და Product Insights, რომლებიც იძლევიან სისტემის მონაცემთა გამოყენების, ანალიტიკური და პროგნოზირების ფუნქციების ამოქმედების შესაძლებლობას.

მაგალითად, Sales Insights მეშვეობით შესაძლებელია სავარაუდო გარიგების შეფასება, რაც ნიშნავს, რომ თქვენ შეგიძლიათ შეაფასოთ გარიგების წარმატებით დასრულების ალბათობა. Sales Insights აგრეთვე იძლევა შესაძლებლობას დაინახოთ რამდენად ხარისხიანად ამუშავებენ თანამშრომლები ამა თუ იმ ტრანზაქციას. ამისათვის მენეჯერი ტვირთავს ბიზნეს პროცესებთან შესაბამის  ყველა არსებულ მონაცემს, რასაც აანალიზებს სისტემა.

ინდიკატორები აჩვენებენ მუშაობის ეტაპებს, რომლებსაც მეტი ყურადღება უნდა დაეთმოს. აჩვენებენ, თუ რამდენი დრო დაეთმო მომხმარებლის კითხვებს, რამდენი დრო დახარჯა მომხმარებელმა გარიგებაზე, ვინ იყო ინიციატორი - ეს ყველაფერი მოინიშნება შესაბამისი ფერებით, ნიშნებით და გრაფიკული ფორმებით. სისტემა აგრეთვე არეგისტრირებს, თუ როდის მოხდა მომხმარებელთან ბოლო დაკავშირება, რამდენი წერილი გაიგზავნა, რომელი წერილები გაიხსნა, რამდენი შეხვედრა გაიმართა, როგორია მომხმარებლის პასუხების ზოგადი ხარისხი, რამდენი დრო სჭირდება სამუშაო ჯგუფს პასუხის გასაცემად და ა.შ.

ეს იდეები ძალიან მნიშვნელოვანია გუნდის ხელმძღვანელებისა და მენეჯერებისათვის, რათა მათ შეძლონ ერთი შეხედვით შეაფასონ გარიგება. შედეგად, მათ შეუძლიათ საჭირო მომენტში გადადგან სწორი ნაბიჯები - შეცვალონ ტაქტიკა, გაზარდონ აქტივობა, მოახდინონ დავალებების დელეგირება და სხვ.

Customer Insights მოდული სხვადასხვა წყაროდან აგროვებს ინფორმაციას მომხმარებლის შესახებ და ახდენს მის ვიზუალიზაციას. ბევრ კომპანიაში მომხმარებელთა მონაცემები არ ინახება ერთიან სისტემაში. ეს სერვისი ახდენს ყველა მონაცემის სისტემატიზაციას  და ხელმისაწვდომს ხდის მას ანალიზისა და შეფასებისათვის.

Product Insights გაძლევთ წარმოდგენას იმაზე, თუ როგორ იყენებენ მომხმარებლები პროდუქტს რეალურ დროში. თქვენ შეგიძლიათ გამოიყენოთ მობილური აპლიკაციები, ვებ-გვერდები და ღრუბლოვანი სერვისები, რათა თვალყური ადევნოთ როდის და როგორ გამოიყენება თქვენი პროდუქტები, რა პრობლემების წინაშე დგას მომხმარებელი და რისი გაუმჯობესება არის შესაძლებელი.

ეს მოდულები მუშაობენ ხელოვნურ ინტელექტზე და მათი ყველა  ფუნქცია უფასოდ ხელმისაწვდომია  Dynamics-ის ონლაინ ვერსიაში.

Dynamics Marketing module

ეს მოდული აგენერირებს მარკეტინგულ საქმიანობას და აკონტროლებს მომხმარებლებთან ურთიერთქმედების სრულ ციკლს. მაგალითად, მისი გამოყენება შესაძლებელია დაგზავნების სიასთან, ვებ-ფორმებისა და ტარგეტირებულ გვერდებთან მუშაობისას.

როგორ ხორციელდება წერილების დაგზავნა რამოდენიმე ადრესატთან? გარე სერვისში იქმნება შაბლონი, ხდება მომხმარებელთა შერჩევა ბაზიდან და მათთან იგზავნება ელექტრონული წერილი. ეს მეთოდი არ ქმნის გამჭვირვალე კავშირს კონკრეტულ მომხმარებელსა და საინფორმაციო დაგზავნის წერილებზე რეაგირების სტატისტიკას შორის. „მარკეტინგის მოდული“-ს დახმარებით, თქვენ შეგიძლიათ არა მხოლოდ შექმნათ დაგზავნის წერილები გარე სერვისების გარეშე, არამედ დაათვალიეროთ თითოეული მომხმარებლის ოპერაციების ჟურნალი. თქვენ შეიტყობთ, გახსნეს თუ არა შეტყობინება და გადავიდნენ თუ არა მოცემულ ბმულზე, რა დრო დახარჯეს კითხვაზე და სხვ.

ამ პლატფორმის გამოყენება აგრეთვე შესაძლებელია ტარგეტირებული გვერდების შესაქმნელად. მოდული გთავაზობთ  დიზაინის ვიზუალურად მოსახერხებელ ინსტრუმენტს, რომლის საშუალებითაც თქვენ შეძლებთ საიტის შექმნას.  შაბლონების გამოყენებით შეძლებთ HTML კოდის დაყენებას. მიზნობრივი გვერდი შეიძლება განათავსოთ Azure-ს პორტალზე, შესაბამისად, ბმულის განთავსების გზით მარტივად გააერთიანებთ მას საინფორმაციო წერილებთან. თუ მომხმარებელი გადავა მითითებულ ბმულზე, ეს აისახება მის პირად ბარათში. ეს ფუნქცია არ საჭიროებს დამატებით ინტეგრაციას და ხელმისაწვდომია ონლაინ რეჟიმში.

Power Platform

Azure-ს ღრუბელი ასახავს Power-ის პლატფორმის უპირატესობას. ეს არის განცალკევებული გარემო, რომელიც  თანამედროვე მომხმარებელს სთავაზობს ანალიზის, ვიზუალიზაციის და ბიზნეს-მონაცემების შეგროვების და ავტომატიზაციის მოსახერხებელ ინსტრუმენტებს.

Power Platform-ის მეშვეობით თქვენ შეძლებთ მობილური აპლიკაციების შექმნას, სწრაფად ამოიცნობთ გამოსახულებას, განახორციელებთ მერჩენდაიზინგის მოდელირებას, შეაფასებთ მომხმარებლის მოთხოვნებს და მიანიჭებთ მათ შესაბამის კატეგორიებს. აღნიშნული ფუნქციები ეფუძნებიან ელექტრონულ სწავლებას, შესაბამისად ლოკალურ სერვერებზე მათი ატვირთვა დაკავშირებულია დიდ ხარჯებთან და მუშაობენ ძალზედ ნელა.

უსაფრთხოება

მრავალი მომხმარებელი ჯერ კიდევ არ ენდობა ღრუბლოვან ინფრასტრუქტურას. მაგრამ ციფრები არ ტყუიან - Power Platform არსებობის 10 წლიან ისტორიაში არ მომხდარა მისი არასანქციონირებული გამოყენება და ინფორმაციის გაჟონვა. წარმატებას განაპირობებს უსაფრთხოების მაღალი სტანდარტები და GDPR მოთხოვნების შესაბამისი დაშიფრვის ფართო შესაძლებლობები.