დღევანდელ ციფრულ ეპოქაში, გრაფიკული დიზაინი გადამწყვეტ როლს თამაშობს ბრენდების, პროდუქტებისა და კულტურული იდენტობების აღქმის ფორმირებაში. ამ სფეროში ხელოვნური ინტელექტის ინტეგრაციამ მნიშვნელოვანი გავლენა მოახდინა თანამედროვე ვიზუალებში. AI-სა და Adobe-ის პროგრამული უზრუნველყოფის სინთეზით დიზაინერებს საშუალება აქვთ გადალახონ შემოქმედებითი საზღვრები და გაამარტივონ თავიანთი სამუშაო პროცესები.
გრაფიკული დიზაინის სამყაროში, სადაც კრეატიულობა ერწყმის ტექნოლოგიას, Noventiq Georgia - აგრძელებს დიზაინერებთან ინტერვიუების სერიას.
დღეს ჩვენ ვეცდებით გაგაცნოთ მარიამ ქველიაშვილი, რომლის ერთ-ერთი პროექტი, ,,ბორჯომის’’ მინერალური წყლის რებრენდინგი შესანიშნავი მაგალითია იმისა, თუ როგორ ჰარმონიულად შეიძლება შეერწყას ტრადიციული კულტურული ელემენტები თანამედროვე დიზაინის ესთეტიკას.
ინტერვიუში მარიამი გვიზიარებს თავის მოგზაურობას გრაფიკულ დიზაინში და გვესაუბრება Adobe-ისა და ხელოვნური ინტელექტის როლზე მის შემოქმედებით პროცესში.
![](/uploads/cke/92/37/18/23წ.png)
1. რამდენი ხანია, რაც გრაფიკული დიზაინით ხართ დაკავებული და როგორ მოხვდით ამ სფეროში?
დიზაინით დაინტერესებული ადრეული ბავშვობიდან ვარ, რაც თავი მახსოვს. ეჭვიც კი არ მეპარებოდა რომ , სწორედ ეს იქნებოდა ჩემი სამოღვაწეო სფერო. პირველი ნაბიჯები და გამოცდილება დაიწყო Adidas Makerlab-ის სტუდიაში მუშაობით, საზღვარგარეთ. იქ ძირითადად სპეციალური საღებავებით ვხატავდი ბოტასებზე და ტანსაცმელზე, ვქმნიდი დიზაინს და თანდათან გავეცანი Adobe-ს.
განათლებით ფილოლოგი ვარ, შესაბამისად ვცდილობ ჩემს ნამუშევრებში ტექსტური და ვიზუალური სამყარო ერთმანეთს დავუკავშირო. Adidas Makerlab-ში მიღებულმა გამოცდილებამ არ დამაკმაყოფილა და გადავწყვიტე უფრო ღრმა პროფესიული განათლება მიმეღო და ასე მოვხვდი 2d დიზაინის ონლაინ სკოლაში. სწორედ ამ სკოლის კურსის გავლის შემდეგ , თავდაჯერებით და უშიშრად დავიწყე Adobe Ilustrator და Adobe Photoshop ინტერფეისის გამოყენება.
![](/uploads/cke/60/95/70/mockup 7.jpg)
2. თქვენი აზრით, რა განაპირობებს წარმატებულ რებრენდინგის პროექტს?
ვფიქრობ, მნიშვნელოვანია რებრენდინგში თავად ბრენდის ხმა აისახოს. გრაფიკული დიზაინი არ არის მხოლოდ ლამაზი სურათი. უპირველეს ყოვლისა, ეს არის ინსტრუმენტი, რომელიც გამოხატავს ,,მნიშვნელობას’’ ვიზუალურ ენაზე. უმთავრესია ბრენდის ღირებულებების გადმოცემა, თუ რას წარმოადგენს ის და რა ხასიათს ატარებს.
ყველაზე მეტად დაინტერესებული ვარ საშუალო კლასის ბრენდებზე მუშაობით, სადაც საჭირო არაა ფუფუნების მინიმალიზმის დაცვა და შესაბამისად მომხმარებლის მოთხოვნის ფარგლებში შესაძლებელია ფანტაზიისა და შემოქმედების ერთმანეთთან დაკავშირება.
3. რატომ გადაწყვიტეთ ,,ბორჯომის’’ რებრენდინგი?
ვცდილობ ყველა ჩემი შემოქმედებითი ნამუშევარი საქართველოს თემატიკას დავუკავშირო. ეს ჩემთვის განსაკუთრებით მნიშვნელოვანია, ვინაიდან საქართველოში არ გავიზარდე და თითქოს ამით ვინარჩუნებ საკუთარ თავში სამშობლოსთან კავშირს.
ვიზუალური კვლევებში თუ დამამთავრებელი პროექტებში - ყოველთვის ვახერხებ საქართველოსთან დაკავშირებას. შესაბამისად გამოსაშვები პროექტის ვარიანტებიდან უყოყმანოდ ავირჩიე ,,ბორჯომის’’ რებრენდინგი.
![](/uploads/cke/26/95/86/presentation1-06.jpg)
4. როგორ გაგიჩნდათ საქართველოს ქალაქების ქილების დიზაინში ჩართვის კონცეფცია?
მინდოდა შემექმნა ისეთი ,,ბორჯომის’’ რებრენდინგი, რომელიც იქნებოდა სიმბოლური და ეთნიკური. თავდაპირველად ვაპირებდი სხვადასხვა ქალაქის ძეგლების ილუსტრირებას, რომლებიც უპირველეს ყოვლისა იწვევს ტურისტების დაინტერესებას: ქართლის დედა თბილისში, ალი და ნინო ბათუმში და ა.შ. თუმცა მუშაობის პროცესში იდეა გარკვეულწილად ბანალური მომეჩვენა და უფრო სხვა ფორმით გადავწყვიტე იდეის გამოხატვა.
![](/uploads/cke/9c/fe/70/presentation1-04.jpg)
5. მოგვიყევით თუ როგორ გამოიყენეთ ხელოვნური ინტელექტი აღნიშნულ პროექტში?
ეს იყო რაღაც ახალი და უჩვეულო ჩემთვის. გადავწყვიტე, მენახა, როგორია საქართველო და თბილისი Midjourney-ის თვალით. პროცესი არ იყო სწრაფი, დიდი ხნის განმავლობაში სხვადასხვა სურათებს ვქმნიდი, იდეიდან იდეაზე გადავედი, სანამ გენერირებულ ილუსტრაციებში საქართველოს სხვადასხვა ქალაქებსა და რეგიონებს, კერძოდ, თბილისს, სვანეთსა და ბორჯომს არ გავეცანი. Ai-ის მიერ მოწოდებულ ნამუშევრებში, ქალაქების ფერებიც კი შესაფერისი იყო.
![](/uploads/cke/5c/5b/a9/presentation1-07.jpg)
ხელოვნური ინტელექტი ერთ-ერთი ყველაზე დიდი დამხმარე ინსტრუმენტია დიზაინერისთვის, მაგრამ, ცხადია ეს არ არის საკმარისი სრული და საბოლოო შედეგის მიღებისთვის. ჩემს შემთხვევაშიც, საჭირო გახდა ილუსტრაციების დახვეწა და შესწორება. დავამუშავე სურათები Photoshop-ში, წავშალე ზედმეტი დეტალები და Illustrator-ში დავხატე ძირითადი დამახასიათებელი ელემენტები თითოეული სამი დიზაინისთვის.
ბორჯომისთვის ჩემი აზრით საჭირო იყო ფუნიკულიორის დამატება, თბილისისთვის - ძველებური ატმოსფერული აივნები, სვანეთისთვის კი, რა თქმა უნდა, საოცარი კოშკები.
![](/uploads/cke/16/f0/aa/presentation1-08.jpg)
6. რატომ გადაწყვიტეთ თავდაპირველად გამოგეყენებინათ ქალის მინიმალისტური პორტრეტი რებრენდინგში და როგორ გადახვედით ქართლის დედის იდეიდან ირემზე?
ქალაქების ძეგლების პირველი იდეიდან გამომდინარე, თავდაპირველად, შევქმენი ქალის მინიმალისტური პორტრეტი. გადავწყვიტე დამენახა Midjourney-ის თვალით ქართველი ქალის გამოსახულება. მინდოდა გამომეხატა მასში ქართლის დედა, როგორც თბილისის სიმბოლო, თბილი და სტუმართმოყვარე სტუმრებისთვის და ძლიერი და მამაცი მტრებისთვის. მაგრამ, როგორც უკვე აღვნიშნე, ამ იდეას მუშაობის პროცესში გადავუხვიე.
![](/uploads/cke/9a/c3/56/presentation1-03.jpg)
რებრენდიგზე მუშაობის დაწყებამდე შევისწავლე ,,ბორჯომის’’ ვებ-გვერდი, სადაც დეტალურად იყო მოთხრობილი ლეგენდა, რომელიც მათ ბრენდის საფუძვლად აიღეს. ასევე შევისწავლე მათი ოფიციალური Instagram, სხვადასხვა დიზაინი და მათი მნიშვნელობა და ცნებები. ,,ბორჯომის წყალი ასოცირდება, როგორც გამოსაცოცხლებელი წყალი, ლეგენდის მიხედვით დაჭრილმა ირემმა ბორჯომის წყაროდან წყალი დალია და განიკურნა. ამის შემდეგ ბორჯომის წყალი ითვლება "გამაცოცხლებელ" და"განმკურნებელ” წყლად. მინდოდა ირემზე, როგორც მთავარ სიმბოლოზე ექსპერიმენტი ჩამეტარებინა, მაგრამ ეს უკვე ბევრმა გააკეთა მაღალ დონეზე.
![](/uploads/cke/dd/00/e0/presentation1-05.jpg)
7. როგორ შეცვალეთ ხელოვნური ინტელექტის მიერ გენერირებული ილუსტრაციები, რათა უკეთ მოგერგოთ თქვენს ხედვას?
გენერირებული ილუსტრაციები ძალიან საინტერესო გამოვიდა ფერთა სქემისა და სისავსის თვალსაზრისით, მაგრამ ისინი მხოლოდ წააგავდნენ საქართველოს. იყო ბევრი არასაჭირო ელემენტი, რამაც ხმაური გამოიწვია სურათზე. ჩემთვის მნიშვნელოვანი იყო ქალაქებისა და რეგიონების ისე გამოსახვა, რომ ყველას შესძლებოდა მათი ამოცნობა. ამიტომ, მივმართე ისტორიულ ცნობებს და იმ დეტალებს, რითაც თითოეული ქალაქი ინდივიდუალურადაა ცნობილი.
![](/uploads/cke/bf/97/3c/арврпрпп-01 -1-.jpg)
ძველი თბილისის გავლით, შეუძლებელია არ აღინიშნოს ულამაზესი ხიდები, ატმოსფერული აივნები და ჩვენი ულამაზესი ეკლესიები, მაგალითად სამება. თბილისის ილუსტრაციაში ზედმეტი გუმბათი ამოვიღე და შენობა ხიდად გადავაქციე. AI-ს მიერ გენერირებული გუმბათი უფრო კათოლიკურს ჰგავდა, ამიტომ ტიპურ ქართულ ეკლესიად გადავაქციე. მე მჭირდებოდა უფრო ფართო, ფანჯრების დამატება, გუმბათისა და ჯვრის ზედმეტი დეტალებისგან განთავისუფლება.
![](/uploads/cke/a1/5e/aa/Screenshot 2024-06-18 в 15.18.43.png)
ასევე წავშალე სამივე ილუსტრაციაში AI-ს მიერ გენერირებული unreadable წარწერები და ძალიან ბევრი ფრინველი ცაში. ასევე წავშალე ზედი დეტალები სახლებზე და აივნები Ilustrator-ში დავამატე.
რაც შეეხება ბორჯომს, გენერირებულ სურათში გამოყენებული იყო უამრავი ელექტრო სადენი, რაც საერთოდ ამოვიღე ჩემს ილუსტრაციაში.
ვცდილობდი, ხელოვნური ინტელექტის მიერ შემოთავაზებულ ილუსტრაციებიდან ყველა ეს ,,ხმაური’’ ამომეღო და, ჩემი აზრით, ბორჯომისთვის გამორჩეული ელემენტი შემემატებინა მაგალითად ფუნიკულიორი, რომელიც Ilustrator-ში დავხატე. შემოთავაზებული სახლი ზედმეტი მომეჩვენა და ხეების უკან დავიმალე, რომელიც ტონსა და ფერში შევასწორე.
სვანეთის ილუსტრაციაზე მუშაობისას ყველაზე მეტი ცვლილება შევიტანე, რადგან შენობები საერთოდ არ ჰგავდა სვანეთისას, თუ არ ჩავთვლით მარცხნივ მდებარე შენობის. მთებს დავამატე თოვლი, რამაც მთლიან ნამუშევარი ნაკლებად დატვირთული და ბუნებრივს გახადა.
![](/uploads/cke/9f/91/88/Screenshot 2024-06-18 в 15.18.21.png)
8. ხელოვნური ინტელექტის მიერ გენერირებული ელემენტების ჩართვის მიუხედავად, როგორ შეინარჩუნეთ ავთენტურობა?
ვფიქრობ, ავთენტურობა შენარჩუნებულია მნიშვნელოვანი ელემენტების გამოყენების გამო, რამაც იდეა გასაგები გახადა. შეიძლება ითქვას, რომ AI ილუსტრაციები შესანიშნავი ტილო იყო, ესკიზი, რომელიც ხელით გარდაიქმნა.
9. რა როლს თამაშობს Adobe პროგრამული უზრუნველყოფა თქვენს შემოქმედებით პროცესში და თქვენ რებრენდინგში უმეტესად, რომელი ხელსაწყოები (Tools) გამოიყენეთ?
Adobe პროგრამული უზრუნველყოფა ჩემი მუშაობის პროცესში ყველაზე მნიშვნელოვანი ელემენტია. ეს მართლაც შესანიშნავად აღჭურვილი სივრცეა დიზაინერისთვის, სამუშაო პროცესში. აქ არის უამრავი რაოდენობის ინსტრუმენტი, რასაც ვერ ვხვდებით სხვა პროგრამებში ან თუ ვხვდებით უფრო დაბალი ხარისხით. დიზაინერისთვის ძალიან მნიშვნელოვანია ამ პროგრამების დაუფლება და მათი გამოყენება. Adoeb-ს უკვე პროფესიონალიზმის სხვა, უფრო მაღალ საფეხურზე აჰყავხარ, რომელიც საშუალებას გაძლევს გამოიყენო უამრავი ეფექტი, ფუნქცია თუ შესაძლებლობა.
ყველა ჩემი ნამუშევარი სრულდება Adobe Photoshop-სა და Adobe Illustrator-ში. მე განსაკუთრებით მიყვარს Illustrator, რადგან ძალიან ადვილია ვექტორული ელემენტების შექმნა. თქვენ შეგიძლიათ მარტივად გადაიტანოთ ყველაფერი, იმუშაოთ გეომეტრიულ ფორმებთან და გარდაქმნათ ისინი. რა თქმა უნდა, მე ბევრი ვიმუშავე ლეგენდარული ,,კალმის’’ ხელსაწყოთი. ეს ხელსაწყო აუცილებელია ვექტორთან მუშაობისას და წარმოუდგენლად მოსახერხებელია.
მაგრამ Photoshop-ში უფრო სწრაფი და წარმატებულია განლაგების შექმნა, ჭარბი დაფარვა, თუნდაც იგივე ფუნჯის ხელსაწყოთი, რომ აღარაფერი ვთქვათ იმ ფუნქციებზე, რომლებიც სპეციალურად შექმნილია დასაფარად.
![](/uploads/cke/37/d8/d3/Screenshot 2024-06-18 в 15.17.17.png)
11. რამდენად ხშირად იყენებთ Photoshop-ისა და Ilustrator-ის ხელოვნურ ინტელექტს?
ვფიქრობ, ხელოვნური ინტელექტი Photoshop-ში ჩაშენებულია ძალიან მოსახერხებელი გზით. მისი გამოყენება მარტივი და ეფექტურია მცირე ამოცანების გადასაჭრელად. მაგალითად, AI Photoshop-ში შესანიშნავად ავსებს მოჭრილ ფოტოს. უფრო სერიოზული ამოცანებისთვის, მე ჯერ არ მქონია შესაძლებლობა გამოვიყენო ეს ჩაშენებული ფუნქცია, რადგან ჩემს ბორჯომის პროექტზე მუშაობის დროს ის ჯერ კიდევ არ იყო შეტანილი Adobe პროგრამებში. ამ ინოვაციის შემდეგ არ მქონდა შესაძლებლობა შემექმნა ასეთი დიდი პროექტები AI-ს გამოყენებით. Adobe ყოველთვის ფეხდაფეხ მიჰყვება დროს, ადგენს ტენდენციებს და მე ვფიქრობ მისი გამოყენება მიზანშეწონილია დიდი და სერიოზული პროექტებისთვის.
12. როგორ ფიქრობთ, მომავალში რა გავლენა ექნება ხელოვნურ ინტელექტს დიზაინის სფეროზე?
ხელოვნური ინტელექტი შესანიშნავი ინსტრუმენტია, რომელიც დიზაინერს ცხოვრებას გაუადვილებს. უპირველეს ყოვლისა ეს არის იგივე ასისტენტი, როგორც კალკულატორი მათემატიკაში, მათ მხოლოდ გაუადვილეს ადამიანებს მუშაობის პროცესები. მე ვხედავ იგივე სიტუაციას AI-სთან, ვერ ვხედავ მას, როგორც რაიმე საფრთხეს პროფესიისთვის. ჩემთვის ეს არის დამხმარე მასალა, რომელიც დამეხმარება სამუშაოს უფრო სწრაფად შესრულებაში.
არ უნდა დაგვავიწყდეს, რომ ხელოვნური ინტელექტი ადამიანებმა შექმნეს ადამიანებისთვის. ინდივიდის წარმოსახვა უნიკალური და თავისებურია, AI მხოლოდ ჩვენი იდეების რეალიზაციის ინსტრუმენტია. ეს სასარგებლოა, როგორც მცირე ამოცანებისთვის, ასევე უფრო დიდი პროექტებისთვის.
ბორჯომის პროექტის შემდეგ ხატვა არ შემიწყვეტია, პირიქით, გენერირებული სურათები დავხვეწე ჩემი ფანტაზიისა და იდეების საფუძველზე. უფრო მეტიც, გრაფიკული დიზაინერებისთვის, რომლებსაც ხატვა არ შეუძლიათ, ხელოვნური ინტელექტი შეიძლება წარმოუდგენლად სასარგებლო იყოს მათი იდეების ვიზუალიზაციისთვის.
10. როგორ აბალანსებთ ქართული კულტურის ავთენტურობის შენარჩუნებას თანამედროვე დიზაინის ესთეტიკასთან?
ვფიქრობ, აქ მნიშვნელოვან როლს თამაშობს სტილისტიკა. სურვილის შემთხვევაში შეგიძლიათ თანამედროვე პირობებშიც შექმნათ დიზაინი ძველებური სტილით. ჩემი აზრით თანამედროვე სტილი გამოირჩევა მინიმალიზმით, სიახლის შეგრძნებებით, ფოკუსი გადატანილია რთულიდან მარტივ ფორმებზე, უფრო მათ პრაქტიკულობაზე — იგივე Ikea-ს მაგალითი, რომელიც შთაგონებულია Bauhaus school-ით. ამრიგად, ქართული კულტურული ელემენტები საინტერესოა თანამედროვე დიზაინში, როდესაც ისინი გამარტივებულია, რის გამოც ჰარმონიულად ჯდება თანამედროვეობის სტილში.
![](/uploads/cke/5f/55/70/presentation1-09.jpg)
11. რა გამოხმაურება მიიღეთ თქვენი ბორჯომის რებრენდინგის პროექტით დაინტერესებული მხარეებისგან.? როგორ წარმოგიდგენიათ მომხმარებელთა ურთიერთობა და ინტერპრეტაცია?
მიღებული შედეგებიდან ძალიან იოლად იკითხება რა ჩანაფიქრია ჩადებული გამომხატველი ელემენტების ხარჯზე. ნებისმიერმა შეიძლება გაიფიქროს: აი, ეს ჩემი საყვარელი ქალაქი თბილისია! და ამ მიღებული ემოციის ხარჯზე სიამოვნებით გამოიყენოს პროდუქტი.
ეს პროექტი, დღევანდელ დღეს, ჩემი საუკეთესო პროექტია. ძალიან ბევრს მოსწონს და აქებს, ბევრისგან მესმის რომ სიამოვნებით შეიძენდა და მიუჩენდა სახლში ადგილს ასეთი შეფუთვის ქილას. თვითონ ბრენდთან არ მქონია კომუნიკაციები, მაგრამ ვფიქრობ, ეს იქნებოდა ჩემთვის დაუვიწყარი და ძალიან საინტერესო გამოცდილება. მომავლისთვის ვფიქრობ საინტერესო და სერიოზული პროექტების შექმნას!
![](/uploads/cke/40/d2/07/mockup 2.jpg)
12. სამომავლოდ, რა მისწრაფებები ან მიზნები გაქვთ ამ მიმართულებით?
სინამდვილეში, ჩემი პროექტი არ არის მხოლოდ გრაფიკული დიზაინის პროექტი. ფილოლოგიის ფაკულტეტზე ჩვენ გვასწავლიდნენ სიღრმისეულ ანალიზს. ეს არის ის, რასაც მე ვცდილობ ჩემი პროექტების შესრულების დროს - ღრმა ანალიზი, იდეების გამოხატვა ვიზუალურ ენაზე. მე ასევე ძალიან მომწონს გრაფიკული დიზაინისა და ილუსტრაციის შერწყმა - ბოლოს და ბოლოს, წლების განმავლობაში ვხატავდი ფეხსაცმელებზე და ტანსაცმელზე.
მომწონს და მაინტერესებს ჩემი განსხვავებული ინტერესების ერთმანეთთან შერწყმა. ვფიქრობ რომ დიზაინერმა მხოლოდ დიზაინზე არ უნდა გაამახვილოს ყურადღება. მთელი სამყარო, ცხოვრების სხვადასხვა სფერო და ინტერესები არის ის შთაგონება, რომლითაც ჩვენ ვივსებით. მინდა გავაგრძელო განვითარება ჩემს სფეროში, შევიგრძნო, გამოვხატო და სამყაროს გავუზიარო ემოციები პრაქტიკული და შესანიშნავი ვიზუალური საშუალებებით.
მჯერა ჯერ კიდევ გრძელი და საინტერესო გზა მაქვს წინ გასავლელი, განვითარებითა და ზრდით სავსე.
13. რა რჩევას მისცემდით დამწყებ დიზაინერებს?
თავიდან დაწყება არასდროს არ არის იოლი, მაგრამ შედეგად ღირს. ის ცხოვრების გაკვეთილი რაც ამ გზაზე მივიღე მასწავლის: მიზნისკენ უნდა იარო ნაბიჯ-ნაბიჯ და შეუჩერებლად. უნდა მისცეს შემოქმედებით ნიჭს თავისუფლება და ისწავლო შთაგონების მოთვინიერება.
აკეთო რეგულარულად და დისციპლინირებულად ის, რაც აუცილებელია მიზნის მისაღწევად. მუდმივად უნდა ვითარდებოდე და გწამდეს, რომ სასურველ შედეგზე გახვალ - ეს ყოველივე კი, ვფიქრობ, წარმატების მინიმუმ 80%-ს შეადგენს.
![](/uploads/cke/95/9e/dd/mockup 1.jpg)
მარიამ ქველიაშვილის ნამუშევრები არა მხოლოდ ხაზს უსვამს კულტურული მემკვიდრეობის მნიშვნელობას დიზაინში, არამედ ასახავს Adobe-ის პროგრამული უზრუნველყოფისა და ხელოვნური ინტელექტის როლზე შემოქმედებითი იდეების გაცოცხლებაში.
ჩვენ ვიმედოვნებთ, მარიამთან ინტერვიუ წაახალისებს დამწყებ დიზაინერებს, გამოიკვლიონ თავიანთი კულტურული ფონი და გამოიყენონ თანამედროვე დიზაინის ხელსაწყოების ძალა, რათა გააცოცხლონ თავიანთი უნიკალური ხედვები.